Professor Pieter Willems - een Maastrichtse Belg

Dit beukske is gesjreve es hommage aon ʼne Mestreechse Belsj, professor Pieter Willems. In 1921 is in Mestreech (achter de statie) ’n straot nao häöm geneump, meh de mieste Mestreechtenere wete neet wee heer waor, laot stoon tot ze ’n idee höbbe boerum Willems in 2015, 175 jaor nao zien geboorte, zoewel in Leuve es in Mestreech is herdach.

Gesjreve door: Flor Aarts

Willems woort in 1840 in Mestreech gebore. Nao ’t atheneum góng heer in Leuve Klassieke Filologie studere. Aon de Universiteit vaan Leuve is heer later hoeglieraar gewore en heet heer wetensjappeleke carrière gemaak. In 1864 kraog heer de Belzje nationaliteit. In de gesjiedenis vaan de dialectologie in Belsj en Nederland heet Willems ’n veurtrèkkersrol gespäöld. In 1885 organiseerde heer ’n dialekenquête die veur hoonderde dialekte in Fraankriek, Belsj, Zuid-Nederland, ’t Rienland en Luxemburg ’n sjat aon gegeves heet opgelieverd. Ouch veur ’t Mestreechs is daankzij Willems (en ziene Mestreechsen informant, Theodoor Stille, dee de Mestreechse gegeves in de enquête invölde) väöl informatie besjikbaar gekoume. Dit beukske liet zien tot veer daodoor in staot zien um ’t Mestreechs vaan de twiede hèlf vaan de 19e iew te vergelieke met ʼt Mestreechs vaan noe. Willems heet, jaomer genóg, neet de kans gekrege um de rizzeltaote vaan zien enquête in ’n studie te verwèrke. Heer storf op 58-jaorege leeftied, in 1898.

Taal: Nederlands